Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 108r

Ystoria Carolo Magno: Can Rolant

108r

195

lond. Nyt oes na mal na|threth
a|dylyhom ni y|talu y|charlym+
aen namyn ym·lad drostaỽ yn
rymus. Mỽyhaf detỽydyt a
varnaf|i heb ef caffel a·chaỽs.
a defnyd y dalu y kyfryỽ treth
a honno. Aruerỽn ninhev we+
itheỽon yn ehalaeth o|r defnyd
hỽnnỽ megys y gỽedda y|r fre  ̷+
inc. a rac dodi ohonam angre+
ifft waratỽyd y|r rei a vo rac
llaỽ ymdifferỽn gan ym·lad
yn ỽychyr syberỽ. ac ar hyn+
ny trossi ar|y tu dehev idaỽ a
oruc oliuer. a thrỽy lynn coe  ̷+
daỽc arganuot toruoed maỽr
o|r pagannaeit yn dinev parth
ac attunt. A garu gedymei+
th heb·yr oliuer ỽrth rolond
yna. a|ỽely ti y|toryf racỽ.
honn a|ỽna hediỽ kynhỽryf. a
teruysc maỽr. y|n freinc ni.
a|hynny a|ỽydat gỽenỽlyd an+
ffydlaỽn pan annoges y|r bren+
hin yn hadaỽ ni yn geitỽeit.
Nyt ef a|ỽnel duỽ heb·y rolon
tybyaỽ gỽenỽlyd o|e vot ynn
anffydlaỽn ymi. ac yn·tev yn
lystat ym. Oliuer eilỽeith a
synnỽys ar y pagannyeit yn  ̷
dyuot. ac a|dyỽat ỽrth y|get+
ymdeithon. a|ỽyr·da grymus
y|mae y|vrỽydyr yn ym·dangos
ynn. kynhelỽch y|maes yn ỽr+
aỽl. Nyt y geuyn a dyly neb
y|dangos y elynnyon namyn gosged ar+

196

uthyr. ac ỽyneb agarỽ a vynho
goruot ar|y elyn. Atteb y|freinc
o vn vryt uu hỽnn. pỽy bynnac
heb ỽynt a|dangosso y geuyn y
elynyon bar duỽ idaỽ yntev.
Oliuer eilỽeith a drosses at ro+
lond y|ymdidan ac ef val hynn.
Rolond garu getymeith heb ef
bychydic yd ym ni herỽyd y ni+
uer yssyd yn yn herbyn. a reit
oed yn pei rodut lef ar dy gorn
yr eligant y alỽ yn brenhin.
a|e lu yn ganhỽrthỽy yn. Nyt
ef a|ỽnel duỽ heb·y rolond diel+
ỽi freinc trỽydof|i yn gymeint
ac y gỽahodo rolond neb yn gan+
horthỽy idaỽ kyn synnyaỽ brỽy+
dyr. pan eidaỽ rolond yn ỽastat
rodi kanhorthỽy heb negyd+
yaeth. Os y|vrỽydyr a|damỽeina
val y hedeỽy di. dỽrndard vyg
kledyf|i a vyd vyg|kanhorthỽyỽr
yr hỽnn   a gerda hediỽ gan
ganhorthỽy duỽ val lluchya+
den y·dan y pagannyeit. Rolon
vyg|kedymeith heb·yr oliuer.
mi a anogaf yt yr eilỽeith do+
di llef ar yr eliphant y alỽ yn
brenhin a|e lu tra|e gefyn val
y bo diogel ynn. trỽy y|nerth ef
dileu o lyuyr y uuched y riuedi
hỽnn o bagannyeit. Poet pell
y ỽrthyf heb·y rolond tyfu drỽ  ̷+
y·dof|i gỽaradỽyd kymeint a
hỽnnỽ nyt amgen o·vynhav o+
honaf|i o glybot bygỽth brỽydyr