Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 107v

Ystoria Carolo Magno: Can Rolant

107v

193

chollei y gỽyr. hynny na deuey
ef byth o|e gyulaỽn leỽenyd.
ac arganuot a|oruc y|ffreinc
eu brenhin yn ỽylaỽ. ac o hynny
eu kyffroi ỽyntev ar dagreuo  ̷+
ed ac ouynhav a|orugant ỽyn+
tev. a|dryc·yruerthu am rolont
a|e getymeithon. Ac yn hynny
yd oed varsli yn kynnullaỽ y
bopyl. ac ar ymdeith ym·gyn+
null attaỽ can mil o|baganny+
eit. a gỽedy dyrchauel mahu+
met y benn y|tỽr vchaf y enre+
dedu. a|e ỽediaỽ y|adolỽyn y gan+
maỽl. a|e ganhorthỽy am ag+
hev rolond. Eu kychỽyn a|hon+
nassant trvy trympev. a|chyrn.
a pheirannev ereill. kerdet a
orugant y saragys. a llenỽi y
mynynded. a|r glynnev. a|cher+
det racdunt yny ỽelynt arỽy+
don. a marchaỽclu. ac ystondar+
dev rolond. ac ar hynny nach+
af nei y varsli yn dyuot attaỽ
y adolỽyn idaỽ y adu ef yn gyn+
taf y ym·erbyn a rolond yn|y
mod hỽnn. A vrenhin enrydedus
caredic. llaỽer chỽys. a llauur
a|diodefeis i y|th ỽassannaeth
di. llaỽer kedernyt a oresgyn+
neis it. llaỽer gelyn it a dara*+
esteis it yn ymladev. dros y|gy+
niuer llauur hỽnnỽ yd adol+
ygaf yt y ganhyadu ymi
ymgyuaruot yn gyntaf a|ro+
lond. ac os hynny a|deruyd

194

ny byd gỽrhydri a|rymhyo i+
daỽ gan ganhỽrthỽy* mahu+
met yny vo ef yn varỽ gan vy
aruev. i. a|r enryded yd oed yn|y
erchi ry ganhyadỽys marsli i+
daỽ. ac yn gedernyt ar y cany+
hat ystynnv idaỽ y|vanec. a
gỽedy kymryt o|e nei y vanec
yn llaỽen y diolỽch idaỽ val
hynn. A garu vrenhin heb ef
maỽr a enryded ry doeist|i ym
trỽy rybuchet. dyro ym gyt
a hynny getymdeithon ethole+
dic yny vom deudec y|gyuar+
uot ygyt a|r deudec gogyuurd
o|ffreinc. Mivi heb·y falsaron
braỽt y varsli a ymrodaf ygyt
a|thydi yn|y gỽassannaeth hỽnn
garu nei. ac a gymerỽn vi a thi
arnam hediỽ gostỽg syberỽyt
rolond. a|r deudec gogyuurd
o freinc hyt ar dim. ac yn di+
annot y doethant dec ar|y deu
hynny. a gỽiscaỽ eu haruev. a
dodi eu cleuydev ar eu hystlys
a chrymryt* eu gleiuev. ac a·daỽ
y|palfreiot. a chymryt eu hem+
ys. a chan kynhỽryf maỽr dy+
nessav at y freinc yn aỽydus.
Ac ar hynny Oliuer a giglev
tỽryf y pagannyeit. ac a|e me+
negis y rolond val hynn. a ga+
ru getymeith heb ef hyt yd
atỽenn. i. y|mae brỽydyr bar+
aỽt ynn. Yr holl·gyuoethaỽc
a dyỽano ynn hynny heb·y ro+