Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 106v

Ystoria Carolo Magno: Can Rolant

106v

189

arnaf vi o varnu ym enreded
kymeint a|hỽnn. ac o gymes  ̷+
suraỽ vgg* |kedernit i a|llauur
kymeint ac ef. a chyt boet
llauuryus mi a|e kymeraf ef
y gan y|diolỽch. ac ny cheffir
heb ef heuyt nac a vynnho.
nac a|veidhyo dỽyn y gennyf
y|teilygtaỽt ry|varnnỽyt ym.
a minheu a gymeraf arnaf
heb ef heuyt. a·daỽer vivi y
gadỽ y llu na chyll charlym  ̷+
aen yn|y ol ỽerth keinnaỽc
yny gỽpỽyf|i ny dialỽyf inhe  ̷+
v o|m cledyf. ac o|m dehev. Ni
a|ỽdam dy vot yn dyỽedut
gỽir heb·y gỽenỽlyd. ac nyt
oes neb a|th adnapo a|th am  ̷+
heuo am hynny. Ac yna yd
aeth rolond y ymdidan a char+
lymaen. ac y adolỽyn idaỽ dan
anhyed ystynnv idaỽ y breint
ry daroed y|wenỽlyd y varnu i+
daỽ trỽy y bỽa a|oed yn|y laỽ
o gỽelit idaỽ y vot yn ỽiỽ y|r
gỽassannaeth hỽnnỽ. A min+
hev a adaỽaf yti heb ef yn ga+
darnn na dygỽyd y bỽa o|m
llaỽ i yn|y gymryt yr llyfyr+
der. mal y dygỽydỽys y|llyth  ̷+
yr o laỽ ỽenỽlyd. Ac ny rodes
charlymaen atteb idaỽ ar hyn  ̷+
ny namyn gostỽg y ỽyneb yn
trist tu a|r dayar. ac ny allỽys
kevei ym·diffryt rac ỽylaỽ.
ac ar hynny y doeth naym

190

tywyssaỽc at charlymaen.
y lauuryaỽ canmaỽl ymadra+
ỽd gỽenỽlyd a|e dechymyc val
hynn. Arglỽyd vrenhin heb
ef na chyffroa rolond ar lit.
o|e annoc am y·stynnv idaỽ ke+
itỽadaeth yr ol. kanyt oes o
hynn allann ohonam ni a veid+
hyo y|divarnnv ef o|hynny can
gỽyr y enỽi idaỽ. anrydedha
y gỽryanc o|r anryded llauuryus
hỽnnỽ. canys y·diỽ yn|y damu+
naỽ. ac ystyn idaỽ ef trỽy y bỽ+
a yssyd y|th laỽ. ac adaỽ idaỽ rann
da o|th varchaỽclu val y gallont
gynnal y glot yntev yn gan+
moledic. ac o annoc naym y
brenhin a|ystynnỽys y|bỽa y
rolond. ac yntev a|e kymerth
ef yn llaỽen gan|y diolỽch.
Rolond garu nei heb·y|charly+
maen ti·di a|tric yn geitỽat
yn ol. ac yny vo dibryderach
it eissoes atal gennyt hanner
vy marchaỽclu. Poet pell y|ỽr+
thyf heb·y rolond kyỽilyd ky+
meint ac y dottỽyf vy ymdir+
et yn amylder riuedi. diga+
ỽn yỽ hynny. y·gyt a|m nerth
i. mil o ỽyr grymus a|digono.
a nerth rolond a|e gledyf yn+
tev a ryd kyffelybrỽyd y an+
neiryf o|lu. ac odyna ef a|ỽis+
gỽys ef aruev marchaỽc ym+
danaỽ. a|chyrchu penn brynn
a|oed yn agos idaỽ. ac o hyt