Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 105r

Ystoria Carolo Magno: Can Rolant

105r

183

anc val y|mae gỽiỽ it rod ma+
ỽrydic. nyt aeth am benn. he+
lym ỽell no honn. yr honn y|m+
ae eur coeth ymrỽymaỽ. ac
yn saỽduryaỽ y phetỽaraenev*.
Maen carbunculus heuyt yssy
ar|y gỽarthaf yg|kymherued
y petỽar llafyn. ao rym hỽnnỽ
y goleuhaa hyt nos vegys dyd.
Ot ym·atỽen. i. a|m raclyd
heb·y gỽenỽlyd mi a|baraf it
dy vynnv am hynny. ac yn ol
y rei hynny y doeth at ỽenỽl+
yd brannỽnd gỽreic varsli ac
ymdidan ac ef val hynn. Am+
lỽc yỽ arnat ti heb hi arỽy  ̷+
don boned maỽr. a marsli a|e
wyrda gan y|dylyu yssyd en*+
redu di. a minhev a enrydaf*
dy wyreic di o|r cae hỽnn. yr
honn a|ỽn ni* y|bot yn ỽiỽ idi
enryded o|th achaỽs di. kyt
boet maỽrỽeirthaỽc eur y|ka+
e hỽnn heb hi. bychydic yỽ
hynny. eith eissoes ỽrth y|me+
in maỽr·ỽeirthaỽc yssyd yndaỽ
gỽell yỽ y kae hỽnn e|hun no
holl tlyssev cristonogyon. ny
allei holl olut ych charlyma+
en chỽi ym·geffylybu a|r cae
hỽnn herỽyd y ỽerth. a chyt
boet mor vaỽrỽeirthaỽc y cae
hỽnn a hynny. ny byd ef na+
myn rod dechreu y|th ỽreic di.
cany byd dirrann hi byth bell+
ach nac o|m karryat nac o|m

184

da. Ac yntev a gymerth y kae
gan y diolỽch y|r vrenhines. ac
achỽanegu yr ymadraỽd hỽnn.
Os duỽ a|ryd hoeddyl ym heb
ef. mi a|attebaf ych enreded. ac
ych rodyon gan y dalu. ac ach+
ỽanec y·danaỽ o vsur. Ac ar
hynny y|doeth y|tryzorer at y
brenhin. a|r rodyon. ac a|r gỽy+
stlon gantaỽ o|e hanuon y|ch·ar+
lymaen. Ac nyt y rann leiaf
a|duc y wenỽlyd yn obyr brat+
ỽr. pỽn deg meirch o eur coeth.
kymer hynn heb ef yr aỽr honn
dyỽyssaỽc bonhedic. a thi a|ge+
ffy ae kymeint. ae a vo mỽy
y gniuer gỽeith y hanuonych
amdanaỽ. o phery dithev ymi
lle ac amser y boeni syberỽyt
rolond. Nyt reit heb·y|gỽen+
ỽlyd trablinaỽ neb o adolỽyn
idaỽ gỽneuthur y peth y bo ef*
chỽanogach o|e wneuthur neb*
no|r a|e harcho. Edrych di he
heb·y|gỽenỽlyd yn bot ninhev
yn vn vryt o hynn allan. ac
na aller gỽahanu yn kyfnes+
saurỽyd byth bellach. llyman
y|rodyon a|edeỽeis i y|charlym+
aen trỽy vyg|kenadev. a|llyman
idaỽ ef vgein gỽystyl ygyt
a|r rodeon. a gyt a hynny agor+
yadeu saragis. a phan rodych di
idaỽ ef pob peth o hynny. coffa
dithev kymỽyssaỽ ymi vy|ro+
dyon o agheu rolond. gỽna