Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 102r

Ystoria Carolo Magno: Can Rolant

102r

171

y|ỽrth y pagannyeit ereill val
oc eu blaen. ac ymdidan ac ef
val hynn yn ystryỽys. llaỽer a
vlinaa kebydyaeth heb ef yr
hỽnn ny ỽyr dodi teruyn yn|y ge+
issaỽ ytra|e caffo. a pho mỽyhaf
vo y|r medyant. mỽyaf y|chỽen+
nycha yntev. ac y llauurya y
veddv a vo moỽy. Edrych ti heb
ef y saỽl. a|r veint ry|geissỽys
charlymaen ych brenhin chỽi
drỽy y gledyf. ac etỽa nyt ydiỽ
yn gorffỽys o geissaỽ hyt na at
chỽant damblygu teyrnnassoed
idaỽ ef rodi gorffỽys y|ỽ hene  ̷ ̷+
int. Corstinobyl ry|gauas. a|r
calabyr. a ruuein. a|r pỽyl. a|ph+
a|beth a oed reit idaỽ yntev ỽei+
thon trossi y an|dielỽ yr yspaen
ninhev. Nyt kebydyaeth a|beir
y|baỽp heb·y gỽenỽlyd lauuryaỽ
yn ỽastat y geissaỽ. namyn gỽei  ̷+
thev y peir syberỽyt. a|chlot a ̷+
heilỽg o wastatrỽyd. a gỽeith+
ev ereill y peir maỽredigrỽyd br+
yt grymus llauuryaỽ. Ys|pell  ̷ ̷+
ach y llauurya charlymaen ac
ys pennach y estỽg teyrnnassoed
yr ymhoelut an·fydlonnyon a|r
fyd gatholic no·gyt yr eu medv
a·dan y arglỽydiaeth ef. ac y|enỽ.
Ac ny bu eiroet. ac ny byd bell+
ach vyth neb a|allo gỽrthỽyne+
bu idaỽ yntev. ac val hynny y
dichaỽn y deudec gogyuurd.
a ganedic vauredigrỽyd gỽyr+

172

da freinc. a|e gỽna yntev ynn
gyn|rymusset a hynny. ac eu
hangerd. ac eu molyant. Nyt
barnadỽy yn volyant heb y pa  ̷ ̷+
gan. namyn yn agkyghorus
drudanaeth ymrodi heb orffỽys
y lauuryev gormod. a pherigyl
aghev. Paham y bydant mor
drut y|saỽl tyỽyssaỽc. a gỽyrda
yssyd o ffreinc y gyffroi eu|bren+
hin mor aeduet. a mor wahodus
y orffỽys ar|y|saỽl beriglev y
by dygant. Rolond e|hun heb+
y|gỽenỽlyd yr hỽnn a dycco duỽ
y|aghev trỽy dial. yssyd yn kyf  ̷+
froi y|brenhin y hynny. ac yn
gỽrthrymv ninhev heb orffỽ+
ys o boen. a llauur. Diỽarnaỽt
heb ef yd oed charlymaen yn
eisted adan gỽastgaỽt brenn go
dyỽyll. y deuth rolond attaỽ
gỽedy gỽiscaỽ y aruev. ac yst+
ynnv aual coch idaỽ gan dyỽe+
dut val hynn. trỽy yr aual
hỽnn charlymaen heb ef yd
anrydedaf|i didi o|teyrnnassoed
a|choronev yr holl vrenhined.
a|r holl vrenhinaethev a|dar+
estygaf y·dan dy arglỽydiaeth
di. llaỽer a darestygỽys yn+
tev heb ef. a|llaỽer etỽa a|dar+
estỽg. yr yspaen hayach ry  ̷ ̷
darestygỽys. ac odyna yd a
y estỽg babilon. Ryued yỽ
a|dyỽedy heb·y blaccand o|ba|le
y|mae rolond yg|gobeith. a  ̷+