Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 100v

Ystoria Carolo Magno: Can Rolant

100v

165

glỽyd vrenhin heb ef mi a|af y|r
neges honno. ac a|e gỽassannaeth+
af yn graff drybelit. a gat y|th
ỽyrda orffỽys. kanys blin ynt yr
ys pedeir blyned ar dec yn kynnal
ryuel yn|yr yspaen. Nyt gỽedus
heb·y charlymaen y archescop vy+
net y|ryỽ neges honno. namyn
gỽassanaethet offerennev. a|ch+
yghoreu dỽyỽaỽl. ac nat ymyr+
ret neb ohonaỽch ar ỽassanaeth
y|gilyd. namyln etholỽch ym
ỽr prud dosparthus a|ỽedo idaỽ go+
def pỽys y|neges honno. Ac yna
y|deuth cof y rolond aghanmaỽl
o|wenwlyd y gygor ef. ac y dyỽ+
at yntev na well wedei neb y|r
neges honno noc y|wenỽlyd. ac
yna dygchymyc* rolont a gann+
molet. a dyỽedut o baỽp val y
dyỽedassaei rolond am ỽenỽlyd.
Ac yna y|dyỽat charlymaen. aet
yntev y|r neges honno. a damỽe+
in yỽ methu neges a|vo kan·mo+
ledic gan baỽp. Rolond heb·y|gỽ+
enỽlyd a|beris ymi vynet y|r ne+
ges honn. ac yssyd yn keissaỽ
vyn diua. i. ac o|hynn allan mi
a|vydaf agkedymeith ia idaỽ val
y|gỽyppo. a mi a|e hagkanmola.
a mi a adaỽaf idaỽ gan y gyỽir  ̷+
aỽ. nat a y|vlỽydyn honn heiby+
aỽ yn gỽbyl nes dial y enỽired
ar|y|neb a|beris y dechymic hỽnn.
Gwenỽlyd heb·y rolond ry bara+
ỽt ỽyt y lityaỽ. ac nyt gỽedus

166

goruot o dryc·annyan ar ỽr na+
myn bot yn drech y gỽr n·o|r dryc+
annyan. a gỽna di y|neges a or  ̷+
chymynn·ỽyt yt o anryded y|gor+
chymynnỽr. ac nac edrych ar
neb tra vych yn ymdidan a char+
lymaen. namyn ar charlymaen
e|hun. Mi a vydaf vuyd arglỽyd
y|r hynn a orchymynnych di. ac
a erchych ymi heb·y gỽenỽlyd.
ac a af at varsli. ac ny obeithaf|i
o|m eneit mỽy no basin. a basil.
a beris y pagan hỽnn·ỽ eu diuetha.
a rolond a uu gyghor y hynny
heuyt o|e syberỽyt a|e valchter.
ac velly y|mae rolont etỽa yn
mynnv byrhav vy oes ynhev.
ac yssyd y|m kassav. ac am hyn+
ny. arglỽyd paham y kytsynnyy
di a|e syberỽyt ef am vy anuon
.i. y|bedrus aghev o annoc rol+
ond. val y|dihenydỽyt basin.
a basil o|e annoc. ac o|e gyghor.
A|nei vab hỽaer ytti yssyd vab
ym. battỽin yỽ y enỽ. ac ar·debic
yỽ arnaỽ o|e vabolyaeth y byd
gỽr grymus. a hỽnnỽ a orchy+
mynnaf yti rac rolond. Ry|+
an yỽ dy veddỽl di vedỽ a|ry ỽreic+
geid. a chyỽilyd yỽ bot gỽr mor
vygỽl y|ymadraỽd a|hynny am
vab heb·y rolond. ac ar hynny
yn llityaỽc ofynaỽc am|y|vyn+
ydyat at varsli bỽrỽ y|vantell
a|oed ymdanaỽ. ac ym·dangos
o ỽisc burgoch val y gỽelei