Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 100r

Ystoria Carolo Magno: Can Rolant

100r

163

ac nyt digiỽilyd yn o|gadỽn a or+
uc o|giỽilyd heb y|dial. nyt haỽd
bot yn ffydlaỽn gatholic yr hỽn
yssyd yn ỽir pagann. A|phann dar+
uu y|rolond teruynnv y ymadra+
ỽd. ny|s attebaỽd charlymaen.
namyn ymodi bleỽ y|varyf lỽyt
oed ar hyd y dỽyvronn. ac ny
duunaỽd neb o|r ffreinc a|hynny.
ac nyt annuunaỽd. namyn gỽen+
ỽlyd. hỽnnỽ a gyuodes y vynyd.
y|ỽrthỽyneb o|e gyghor. Nyt
can·moledic heb·y gỽenỽlyd kyg+
hor a drossei y syberỽyt. ac a lee+
steiro lles. ac adỽynnder. ac
nyt lles gỽrthot y|neb a vynho
tagneued. a duundeb. dielỽ yỽ
gantaỽ yn gỽaet ac yn aghev.
a|kynnic gỽrthot varsili y ỽrth
fyd grist. ac y|n kyuundeb ynhev
y|mae yntev yn medylyaỽ pỽ+
yll heb tỽyll. pan vo yn adaỽ gỽy+
stlon yn. canys haỽd credu bot
tat a|drymycco byỽyt y vab kyn
bỽynt bagannyeit. Paham y co+
ffa rolond y ediueiryaỽc y peth
a ỽnel pan vo yn|dyuot y|r yaỽn.
ac na ỽrthyt duỽ ediueiryaỽc.
A|gỽedy ymadrodyon gỽenỽlyd.
Naim a gyuodes y vynyd rac
bronn charlymaen yr hỽnn a|dan+
gossei y lỽydi. a|e oet. a|e brudder
y vot yn dosparthus. a chreith+
ev. a|gỽelioed ry gaỽssei y vot
yn deỽr. kanmaỽl heb ef. a chyt+
synnedigaeth a obryn canhya  ̷+

164

du kyghor a|r dynno ar les. ac
adỽynnder. tithev vrenhin bon  ̷+
hedic a glyỽeist kygor gỽenỽlyd
yr hỽnn aa* |ỽelir yni y|vot yn
annoc lles. ac adỽynder. anuon+
her at varsli ỽr dosparthus yn
gennat o|th ỽyr·da di a|vo huaỽ+
dyr. a|thrybelit y ym·geissaỽ ac
ef. ac o|e rỽymaỽ trỽy do·gyn
o ỽystlon. ar yr hynn a a·daỽho.
Os hynny a|ganhatta yaỽn yỽ
credu idaỽ ac y baỽp onadunt
a|vynno dyuot y|gret yn duun
a ni. ac ar y kyghor hỽnnỽ y|tri+
gỽyt. ac yna y gouynnaỽd y bren+
hin pa ỽr prud do·osparthus a vei
yaỽn y ellỽg yno yn gennat y|r
neges honno. Mi heb·y|rolond
a af y|r neges honno. a gorev yỽ
gennyf na|m neccaer o|vynet
idi. Yna e|dyỽat oliuer. rolond
heb ef ry haỽd yỽ gennyt|i gyf+
froi dy annyan yn|y neges hon+
no. ac ny allei dy syberỽyt ti
godef balch eirev marsili heb
wneuthur aerua. a mivi a er+
vynnaf vyg gadu y|r neges hon+
no heb·yr oliuer canys arauach
yỽ vym pỽyll noc vn rolond y
diodef geirev marsli. Nac ado+
lyget yr vn ohonaỽch chỽi y|ne+
ges honno hebym·y charlyma+
en. nyt a yr vn o|r deudec gogy+
uurd y|r neges honno. Turpin
archescop a gyuodes y|geissaỽ y
neges honno. ac a dyỽat ar  ̷ ̷+