Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 91

Brut y Brenhinoedd

91

y|cledyf y|gỽnaeth aerua uaỽr o|e ely+
nyon. a gỽedy treulaỽ y|rann uỽyha
o|r dyd. yn|y ỽed honno. o|r diỽed y|gor+
uu y bryttannyeit ac y caỽssant y|uud+
dugolyaeth. ac y|foes ulkassar a|e lu
yn ỽasgaredic y logeu. a chymryt y|mor
yn lle kestyll udunt. a|diruaỽr leỽenyd
a|gymerassant am cael hynny o|dioge+
lỽch. ac yna y caỽssant yn|y kyghor na
dilynynt ymlad a|r brytannyeit yn
hỽy no hynny. ac odyna y hỽylassant
parth a ffreinc. ~ ~ ~ ~
A  Gỽedy y|uudugolyaeth honno.
diruaỽr leỽedyd* a|gymerth casỽ  ̷ ̷
allaỽn yndaỽ a|thalu molyant y|r dỽy+
eu. a rodi rodyon maỽr y|ỽyr o|tir. a
dayar. ac eur ac aryant a|daoed ereill
megys y|dirperei baỽp. ac eissoes goua+
lus heuyt oed am uot nynhyaỽ ynn
urathedic. ac yn amheu gantunt y
vyỽ. a gỽedy uot uelly y|bu uarỽ kynn