Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 79

Brut y Brenhinoedd

79

gilid. Tec oed ynteu a hael. ac
nyt oed un|dyn deỽrach. ac yn|y
amser ef y doeth brenhyn moryen
y|r gogled a llu maỽr ganthaỽ. ac y
doeth Morud yn|y erbyn. a guedy bot
ymlad y·rygthunt. a chaffael o uorud
y uudugolyaeth. erchi a wnaeth
dỽyn paỽb wedy y gilit o|e elynyon
ataỽ y eu llad y gyflenwi y greulon+
der. a hyt tra uei yn gorffowys. yd
archei eu blygaỽ y vyỽ rac y uron.
a guedy eu bligyaỽ eu llosgi. ac ar
hynny y doeth ryỽ bỽystuil athrugar
y ueint y ỽrth uor y·werdon. a de  ̷+
chreu llyngcu a gyuarfei ac ef o dyn+
yon. ac yd aeth ynteu e|hun y ym  ̷+
lad ac euo. a guedy treulyaỽ y arueu
yn ouer. y chyrchỽs yr aniueil
ef a|e lyngcu mal pysgodyn. ac
ny welet o hynny allan nag ef na|r
aniueil. a phym meib oed ydaỽ
a|r hynaf oed Gorbonyaỽn. a hỽnnỽ