Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 74

Brut y Brenhinoedd

74

a gỽyr y dinas o|r tu arall. a guneu+
thur aerua diruaỽr y meint oc eu o|r
brytanyeit. a guyr byrgỽyn. a guedy
guelet o ueli a bran llad aerua gym  ̷+
eint a honno oc eu marchogyon. gle+
ỽhau a wnaethant wynteu. a chymhell
eu gelynyon tra·cheuyn. a guedy llad
milioed o bob parth. y damweinyỽs y|r
brytanyeit caffael y uudugolyaeth. a
llad gabyus. a phorcenna. a|r hensỽllt
katwedic oed yn|y gaer. hỽnnỽ a
rannỽyt y eu ketymdeithon. ac yna
y trigỽs bran yn amheraỽdyr yn
ruuein. yn guneuthur yr arglỽydia+
eth ny chlywyt kyn no hynny y
chreulonder. a phỽy bynnhac a
vynno gỽybot gueithredoed bran.
wedy hynny. edrychet historiaeu
guyr ruuein. cany pherthyn ar
yn defnyd ni. 
AC yna y kychwynnỽs beli ac y doeth
enys prydein. ac yn hedỽch tagneuedus