Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 53

Brut y Brenhinoedd

53

Ellỽg y uarchogyon ymdeith a|oruc eithyr
un marchaỽc a trigyỽys ygyt ac ef.
a gỽedy y|uot velly talym. dỽyn ar gof
a oruc y|gyuoeth a|e teilygdaỽt. a|e ved+
yant. a|thristau a medylyaỽ gouỽy y
uerch a oed idaỽ yn freinc. ac ouynhau
heuyt a|oruc rac mor digaryat y|gellyg+
assei y ỽrthaỽ. ac eissoes ny aallỽys diodef
gỽaradỽyd yn hỽy no hynny. a|chychỽyn
a oruc parth a|freinc. a phann yttoed ynn
mynet y|r llong ac na ỽelei neb ỽrth y
osgord. namyn ef ar|y|trydyd y|dyỽat
gann ỽylaỽ ual hynn. Oia|r teghetuen
neu py le y kerdỽch chỽi dros aỽch gnota+
edic hynt pa achaỽs y|kyffroassoch chỽi vi
y|ar uy|gỽastat detỽydyt. kanys mỽy boen
yỽ coffau kyuoeth gỽedy coller. nogyt
diodef ychenoctit heb ordyfneit esmỽy  ̷ ̷+
thder kynn o hynny. Mỽy|boen yỽ gennyf|i
yn aỽr coffau uyg|kyuoeth a|m henryded
yn|yr amser yd oed y|saỽl cann mil o uar+