Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 52

Brut y Brenhinoedd

52

ny y|lyr llidyaỽ a oruc ac adaỽ y llys
a|mynet hyt at henỽyn iarll kernyỽ
y|daỽ y|llall. a|e erbynnyeit a|ỽnaethpỽyt
idaỽ yn anrydedusac ny bu benn y vlỽy+
dyn yny uu teruysc y·rỽg gỽassanaeth+
ỽyr y|llys a|rei llyr. ac y|sorres ragaỽ y
uerch ỽrth lyr. ac erchi idaỽ ellỽg y|uar+
chogyon oll y|ỽrthaỽ namyn un mar  ̷+
chaỽc y|ỽ ỽassanaethu. a|thristau a|ỽn+
aeth llyr eithyr mod. a chychỽyn ody+
no eilỽeith hyt ar|y|uerch hynaf idaỽ
o tebygu trugarhau honno ỽrthaỽ o|e
gynnal a|e uarchogyon ygyt ac ef.
Sef a|ỽnaeth hi trỽy y llit tyghu y|gy+
uoetheu nef a|dayar. na|chaffei ef o+
hir yno onyt ac un marchaỽc ygyt
ac ef o|e ỽassanaethu. a|dyỽedut nat
oed reit y|ỽr kyuoet ac ef. na|theulu.
na lluossogrỽyd ygyt ac ef. namyn un
gỽr a|  gỽassanaethei. a gỽedy na
chaffei dim gann y uerch o|r a|geissei