Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 49

Brut y Brenhinoedd

49

gymeint a|hynny y|rodei ef hi y|r gỽr a
deỽissei yn. ynys. prydeina thrayan y|kyuoeth gen+
ti. ac yn ol honno y|gelỽis ragaỽ ataỽ
y verch eil|hynaf idaỽ. a gouyn y|honno
pa gymeint y carei hi ef. a|thygu a|oruc
hitheu y|gyuoetheu duỽ na allei hi dyỽ+
edut ar|y|thauot py gymeint y|carei hi
ef. a|chredu a|ỽnaeth ef heuyt y|hynny.
ac adaỽ y|rodei hitheu y|r gỽr a|vynnhei
a|thrayan y kyuoeth genti. ac yna y|gel+
ỽis ef ataỽ y uerch ieuaf idaỽ. Gordeilla.
a gouyn idi pa veint y carei hi ef. ac y|dy+
ỽat hytheu y|garu ef eiroet ohonei hi.
megys y dylyei uerch caru y|that. ac nat ydoed
etỽa yn peitaỽ a|r caryat hỽnnỽ. ac er+
chi idaỽ gỽarandaỽ py veint oed hynny.
Yn|y meint y|bei y kyuoeth. a|e iechyt.
a|e deỽrder. a blinhav a|oruc yntev a|dyỽ+
edut ỽrthi. kanys kymeint y|tremyge+
ist|i vivi ac na charut ti vi yn|gymeint
a|th chỽioryd ereill. Minheu a|th diuarn+