Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 345

Brut y Brenhinoedd

345

y|da oll. cassau gỽironed. a|charu kelỽyd. a
thalu drỽc dros da. aruoll dyauỽl dros egyl
goleuat. vrdaỽ a|ỽneynt brenhined creulaỽn
a|thrỽy dỽyll y|lledynt. ac eilỽeith ethol e+
reill a|uei greulonach. ac o|r|bei un a|garei
ỽironed y deholit hỽnnỽ megys bradỽr. ynys.
.prydein. ac uelly y gỽneynt pob peth yg|gỽrth+
ỽyneb gỽironed. ac ny|cheissynt dim y
gann uedyc yr holl nerthoed. ac nyt mỽy
y|gỽnaei y|dynyon byt hynny no|r gỽyr e+
glỽyssic. a chỽuent duỽ. e|hun. ac nyt. ry+
ued uot yn gas gann duỽ y|genedyl a|ỽnel+
hei uelly. ac o|r achos hỽnnỽ colli tref y|tat
a|e gỽlat. canys duỽ oed yn Mynnu dial eu
pechodeu arnadunt. ac eissoes teilỽg oed
pei duỽ a attei geissaỽ kynydu y breint udunt
dracheuen. a|bỽrỽ gỽaradỽyd y|ỽrth y|priaỽt
genedyl. ac y ỽrthym ninheu nu|heunein.
a|hayach yd archaf|i dy|gannhorthỽy di noc
arall. canys yr un gorhendat a|uu yni ynn
deu. Sef oed hỽnnỽ maelgỽn gỽyned. gor+
uchel urenhin. ynys. prydein. a|uu pedỽeryd gỽedy arthur
a|deu uab a|uu idaỽ. Einaỽn oed y|neill. a run