Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 328

Brut y Brenhinoedd

328

ỽedy geni map duỽ o|r arglỽydes ueir ỽyry y|gỽr
a|n prynỽys ni yr creu y gallonn ef. ~ ~
A  Gỽedy gỽneuthur custennin yn
urenhin y|kyuodes y saesson a|deu
uap yuraỽt yur y|uedraỽt yn|y er+
byn. ac ny dygrynoes udunt o hynny
dim. Canys y|neill o|ueibon medraỽt a
ladaỽd custennin yn llundein. a|r llall yg
caer ỽynt. a|r amser hỽnnỽ yd aeth deinoel
sant o|r byt hỽnnỽ. ac yn|yr un amser  ̷
hỽnnỽ yd aeth deỽi archescop caer llion ar
ỽysc y orffỽyys o|r|byt hỽnn. ac y|mynyỽ
y|mynachloc a seilaỽd e|hun y|cladỽyt.
kanys padric a|daroganassei idaỽ ef y lle
hỽnnỽ kynn y eni. ac yna yd etholet ky+
naỽc escop llann badarn yn archescop yg
caer llion yn lle deỽi. ac erlit y|saesson a
oruc custennin. a|r neill map y|uedraỽt a
ladaỽd yn eglỽys amphibalus yg|kaer ỽynt
ger bronn yr allaỽr. a|r llall a|lladaỽd ynn
llundein y|manachloc brodyr ger bronn yr
allaỽr. ac ym penn y|tryded ulỽydyn y|lla+
daỽd kynan ỽledic. custennin. ac y cladỽyt