Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 322

Brut y Brenhinoedd

322

ger llaỽ castell idcanum. Hodlyn tyỽys+
saỽc rỽytỽn a gladỽyt yn dinas interuan
yn flandrys. [ Y|gỽyrda ereill a|barỽneit.
a marchogyon urdolyon a|ducpỽyt y|r
manachlogoed nessaf udunt y|cladu yn
anrydedusac o|ỽarder trugared arthur
yd erchis cladu kyrff y elynyon yn|llỽyr
ac anuon corff lles amheraỽdyr ruuein.
at sened ruuein. ac erchi menegi udunt
hỽy na dylyei ef talu teyrnnget udunt
hỽy o ynys prydein amgen no honno. ~ ~ ~
A C y·no y|trigyaỽd arthur. y|gayaf
hỽnnỽ. ac y darestygỽys teyrnna+
ssoed byrgỽin idaỽ. a|phann oed yr haf
yn dyuot. ac arthur yn ysgynnu y|uynyd
mynneu yn mynet y|oresgyn ruuein. na+
chaf gennadeu o ynysprydeinyn menegi idaỽ
uot medraỽt y|nei ỽedy yr ỽisgaỽ coron y
teyrnnas ynysprydein. trỽy greulonder. a|chyscu
gann ỽenhỽyuar urenhines gann lygru
dỽyỽaỽl neithoreu. ac yna ymhoelut
a|oruc arthur dracheuen parth ac. ynysprydein.