Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 319

Brut y Brenhinoedd

319

mei y dangos beth allei y|milỽryaeth. cann
klyỽyssei nat oed marchaỽc ỽell noc ef. ac
ymbernyeit* a|ỽnaethant yn|drut. ac ynn
galet mal na ỽelat rỽg deu uilỽr ymlad a
gyffelypei idaỽ. ac ar hynny. teỽhau a or+
uc gỽyr ruuein am eu penn mal y bu reit
y|ỽyr llydaỽ gilyaỽ hyt ar uydin arthur. a
phann ỽelas arthur yr aerua yd oedit yn|y ỽn  ̷+
euthur o|e ỽyr. kyrchu a|ỽnaeth y|elynyon
gann annoc y|ỽyr yn|y|ỽed honn. Pa|beth a
ỽneỽch chỽi ỽyr. paham y|gedỽch chỽi y|ỽre+
igaỽl ỽyr hynn. y|gennỽch. koffeỽch ych de  ̷ ̷+
heuoed a oresgynnỽys dec teyrnnas ar|huge+
in ỽrth uy arglỽydiaeth i. coffeỽch ych|rye+
ni a ỽnaethant ỽyr ruuein yn trethaỽl vd  ̷+
unt pan oedynt gadarnnach noc yr aỽr honn.
Coffeỽch ych|rydit yr honn y|mae yr han+
ner gỽyr hynn yn keissaỽ y|dỽyn y|arna  ̷+
ỽch. nac aet yr un yn uyỽ y|gennỽch nac
aet. a|dechreu bỽrỽ y|elynyon a|oruc a|e llad.
ac ỽynteu yn fo racdaỽ ef megys anyuei+
leit rac lleỽ creulaỽn pan uei neỽynaỽc.
ny differei y|arueu nep o|r a|gyuarffei ac