Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 312

Brut y Brenhinoedd

312

tyỽyssaỽc caer loeỽ yn|y llyỽaỽ. ac y|bop
bydin o|rei ereill y|rodet tyỽyssogyon o|e|lly+
ỽyaỽ. Y|r gynntaf y|rodet araỽn uap kyn+
uarch urenhin yr alban. a chadỽr iarll ker+
nyỽ am* ar y deheu. ac arall ar asseu. Y|r eil
uydin y|rodet gereint garanỽys a|boso o|ryt
ychen. Y|tryded y|rodet achell brenhin den+
marc. a|lleu ap kynuarch urenhinllychlynn.
Y|r pedỽared uydin y|rodet hyỽel ap emyr.
llydaỽ. a gỽalchmei ap gỽyar. ac yn ol y|by+
dinoed hynny y|gossot pedeir bydin ereill.
ac ym|blaen y gynntaf y|rodet kei pennsỽ+
ydỽr arthura|bedỽyr benntrullyat. ac y|r eil
uydin y rodet hodlyn tyỽyssaỽc rỽytỽn.
a|gỽittart tyỽyssaỽc peitaỽ. ac y|r tryded
uydin y rodet oỽein o caer lleon. a|dyuyn+
ỽas o|gaer geint. Y|r pedỽared uydin y|ro+
det uryen o caer uadon. a ionatal o|dorces+
tyr. ac ynteu arthur e|hun a|detholes i  ̷+
daỽ y|lle a|chỽennychỽys. ac y|gossodet y
dreic eureit yr honn oed yn|lle maner idaỽ
ual y|bei honno yn lle castell y|rei brathedic
ac y|rei lludedic. ~ ~ ~ ~