Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 31

Brut y Brenhinoedd

31

A |Gỽedy y|urỽydyr honno a|r|uu  ̷ ̷+
dugolyaeth. llaỽenhav a|oruc bru+
tus. a|chyuoethogi y|getymdeith+
on a|e ỽyr o|da y|rei lladedigyon. a|diffei  ̷ ̷+
thaỽ y|ỽlat a|e llosci. a gỽedy distryỽ o  ̷+
nadunt y|genedyl honno a|r|ỽlat. y do+
ethant hyt yn dinas turon yr hỽnn a|dy+
ỽeit omyr. y mae yae ef a|e|hadeilỽys gynntaf.
a gỽedy gỽelet yno lle cadarnn adeilat
castell a|ỽnaeth brutus o|r bei reit idaỽ kyr+
chu diogelỽch mal y caffei yn paraỽt. ka+
nys ouynhav yd oed dyuot goffar a|thy+
ỽyssogyon freinc a llu aruaỽc gantunt
y ymlad ac ef. a gỽedy gỽneuthur y|cas+
tell y|bu deudyd yn arhos dyuodedigaeth
goffar a|e lu trỽy ymdiret y|leỽder a|ieu+
egtit. a gỽedy clybot o goffar bot gỽyr
tro yn castellu yn|y gyfuoeth dyuot a|ỽna  ̷+
eth yno. a gỽedy gỽelet ohonaỽ gestyll b
brutus y|dyỽat yn|Mod hỽnn. Och a|tristy+
on teghetuennev llauassu o|alltudyon ca  ̷+