Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 303

Brut y Brenhinoedd

303

a|m duc inheu y|mamaeth hi ygyt a|hi hyt
yma. a gỽedy keissaỽ ohonaỽ kytyaỽ a|hi y
bu uarỽ rac y|ouyn ef. a|duỽ a|alỽyaf|inheu
a|m heneint yn tystolyaeth ry|ỽneithur tre+
is ohonaỽ arnaf uinheu ỽedy hynny. ac
ỽrth hynny uyg|karedic ffo di rac y|dyuot
ef. yn herỽyd y|gynnedaỽt y|gytyaỽ a|mi
a|th ordiỽes di yn|y ỽed honn a|th lad. ac adaỽ
a|oruc ef ganhorthỽy idi hi yn ebrỽyd. a|dy+
uot a|ỽnaeth ay|getymeithon. a|menegi
udunt a|r|ỽelsei. a|chỽynaỽ a|oruc arthur yn
uaỽr marỽolyaeth y|uorỽyn. ac erchi y ada+
du y ymlad a|r caỽr. ac o|r gwelynt uot yn re+
it idaỽ dyuot y|ganhorthỽyaỽ. a|phann do+
ynt y|benn y|mynyd nachaf yr ormes honno
yn|dyuot a|bereideu o gic moch coet gantaỽ
yn|y hyssu yn llet|amrỽt. a|gỽedy gỽelet o+
honnaỽ y|gỽyr. bryssyaỽ a|oruc y|gymryt
y|fonn. kymeint hagen oed y|fonn ac yd|oed a+
breid y|r deu uilỽr deỽrhaf y|dyrchauel y ỽrth
y|llaỽr. a|dispeilaỽ cledyf a|oruc arthura|e gyr+
chu kynn dyrchauel y|ffon. ac nyt oed lesc