LlGC Llsgr. Peniarth 46 – tudalen 300
Brut y Brenhinoedd
300
drassus urenhin. siria. Misipsa urenhin. babilon.
Polidetes duc bitinia. Teuther duc frigia.
Jpolit urenhin creta. ac y am hynny tyỽyssogy+
on. a|ieirll. a|barỽneit. ac o|urdas sened rufein.
lles amheraỽdyr rufein. Cadell. Meuryc. Lepidus.
Gaius. Metellus. Cocta. Quintus. Miluius. Quintus
carucius. Sef oed eiryf eu marchogyon gỽedy
y|dyuot ygyt. Seith mil a|phedỽar cann mil.
a|gỽedy bot paỽb yn baraỽp* erbyn kalan aỽst.
kychỽyn a|ỽnaethant parth ac ynys. prydein. a|gỽedy
cael o arthur ỽybot y|bot yn dyuot. Gorchymyn
a|oruc ef lyỽodraeth. ynys. prydein. y|uedraỽt y|nei
ap y|hỽaer. a gỽenhỽyuar urenhines. a|chy ̷+
hỽynu a|oruc ynteu a|e lu parth a ham ̷ ̷+
tỽn ỽrth gychỽynnu odyno yn|y lyges. ac ual
yd|oed yn rỽygaỽ moroed gyt ac aneiryf o|log+
heu mal aỽr hanner nos y|dygỽydaỽd hun trom
ar arthur. Sef y|gỽelei trỽy y|hun arth yn e ̷+
hedec yn|yr aỽyr. a|godỽrd hỽnnỽ a|lanỽei y
traetheu o ouyn. ac odyna y gỽelei dreic
y|ỽrth y golleỽin. ac echtyỽynedigrỽyd y|ly+
geit a ỽoleuhaei y|ỽlat. ac y|gỽelei anryued
| « p 299 | p 301 » |