Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 284

Brut y Brenhinoedd

284

dyrnnaỽt ffrollo. a gỽedy ymgyuogi yn
hir. gossot a|ỽnaeth ffrollo ar arthur yn|y tal
a|phei na phlyckei y|cledyf ar|aỽch yr helym
ef a|uuassei agheuaỽl. a gỽedy gỽelet o arthur
y ỽaet yn cochi y|taryan. a|e arueu. Ennyn+
nu a|ỽnaeth o flemychic lit a galỽ y leỽder  ̷
attaỽ a gossot ar ffrollo trỽy y|helym. a|e pen  ̷+
festin. a|e holl arueu yny uu y|cledyf yn|y
dayar. ac ynteu yn deu|hanner o|bop parth
y|r cledyf. a gỽedy honni yhynny agori a
ỽnaethpỽyt pyrth y gaer a|e rodi y arthur
a gỽrhau paỽb idaỽ yn llaỽen. a gỽedy y|uu  ̷ ̷+
dugolyaeth honno rannu y|lu a|ỽnaeth yn
dỽy rann. a rodi y hyỽel uap emyr llydaỽ
y|neill rann y oresgyn peitaỽ. a|rann arall
gantaỽ ynteu e|hun y|oresgyn y|gỽladoed
ereill a|uei ỽrthỽynep idaỽ. a|mynet a|oruc
hyỽel hyt y|gỽasgỽin. a|pheitaỽ. ac angỽy
a gỽedy llaỽer o ymladeu kymell y|brenhin
y|darestỽg idaỽ. a gỽedy mynet yspeit naỽ
mlyned heipyaỽ. a daruot goresgyn holl ter  ̷+
uyneu freinc y doeth arthur y|paris y|dal|y|llys.