Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 280

Brut y Brenhinoedd

280

thur. ynysprydeinac atneỽydhau tagneued yndi
ac y|bu ar un tu yndi hep uynet y|un lle oho+
nei deudegmlyned. a gỽahaỽd a|ỽnaeth attaỽ
gỽyr clotuaỽr o ỽladoed ereill y|chỽaneckau y
teulu. a chymeint oed syberỽyt llys arthur
a|e teulu o uoes a gỽybot. a haelder. a deỽred.
a milỽraeth. ac nat oed dim gann neb o|r a|e
clyỽei onyt ymgyffelybu ỽrthi. ac nyt oed
dim gann un dylyedaỽc o|r|byt. ony bei un
diỽygyat ac un teulu arthur. a gỽedy e  ̷+
hedec dros y|byt y|ryỽ|ỽr oed. yr oed paỽb
o|r brenhined yn crynu rac ouyn y goresgynn
o·honaỽ. a gỽedy clybot hynnySef a|ỽn  ̷+
eynt hỽy cadarnnhau y kestyll. a|r muro+
ed. a gỽneuthur ereill o|neỽyd. a gỽedy cly+
bot hynny o arthur ymdyrchauel a oruc
ef o clybot bot y|ouyn ar|baỽp yn gymeint
a|hynny. a|medylyaỽ a|ỽnaeth goresgynn
yr holl europa. Sef oed hynny tryded rann
yr|holl uyt. a|pharatoi llyges a|ỽnaeth. a
mynet parth a|llychlyn y|ỽ goresgyn y|leu
uap kynuarch oed nei y sychelim urenhin