Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 265

Brut y Brenhinoedd

265

ỽc arnadunt. y|geissaỽ distristaỽ* kenedyl y
bryttannyeit yn oreu ac y gellynt. a|gỽedy
gỽelet o dyuric trueni y|bopyl. kytdolury+
aỽ ac ỽynt a oruc. a|chyssegru arthur. a
gỽiscaỽ coron y|teyrnnas am|y|benn. a|phym+
thec mlỽyd oed arthur yna. ac ny|chlyyssit ar
neb kynn oc ef y|ryỽ deuodeu a|oed arnaỽ.
O nerth a|chedernyt. a|gleỽder. a|dayoni. a|chy+
meint o|rat a|rodassei duỽ idaỽ. ac nat oed
yn eithauoed byt o|r|a|e clyỽei ny|s carei yn
noethach o|r a|e gỽelei. a|hynny yn anedic
gantaỽ. a gỽedy y hardhau o ureinhaỽl arỽ+
ydon y|teyrnnas ymrodi a|ỽnaeth y|haelder
hyt nat oed haỽd idaỽ cael o da kymeint ac
a oed reit idaỽ y|rodi y|r saỽl uarchogyonn
a|lithrei attaỽ. ac eissoes pỽy|bynnac a|uo
gantaỽ haedelder anyanaỽl ygyt a|phroue+
dic uolyant ket boet eisseu arnaỽ ar talym
n|at duỽ ỽastat ychenoctit y|argyỽedu idaỽ.
a sef a|ỽnaeth arthur can oed yndo ef
molyant yn ketymdeithocau haelder a day+
oni. lluneithaỽ llu a|ryuel ar y saesson