Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 250

Brut y Brenhinoedd

250

hyt yg|kaer euraỽc ac eu distryỽ o|gỽbyl.
ac ual yd oedynt yn ymlad a|r|dinas hỽn+
nỽ. nachaf uthur yn|dyuot a|e holl nerth
a|e gedernnyt gantaỽ. ac yn ymlad ac ỽy.
a gỽedy   bot broedyr galet yrydunt
y kymhe  llỽyt y bryttannyeit ar  ̷
ffo. ac y   herlidyaỽd y saessonn
hỽy hyt y|mynyd damen tra barhaỽd
goleuat y|dyd. Sef kyuryỽ le oed y|my  ̷+
nyd uchel oed a|chelli garregaỽc yn|y
benn. ac yno y|kyrchỽys y|bryttannyeit
y|nos honno. a gỽedy eu dyuot ygyt er  ̷+
chi kygor a|oruc y|brenhin y hefn henhaf+
gỽyr beth a|ỽnnelhynt yn erbyn y|genedyl
a|oed yn|y kyỽarssagu yn gymeint a|hynny.
ac yna y|dyỽat gorleis iarll kernyỽ ual
hynn. canys henhafgỽr y|gygor oed. ef. ~
arglỽyd heb ef nyt reit un kyghor gorỽ+
ac namyn tra barahao tyỽyllỽch y|nos et+
tỽa. y|maee iaỽn yn ninheu arueru oc yn
gleuder megys y|mynhom an|rydit. ac y
chỽenychom yn buched. Cany barnaf|i