Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 249

Brut y Brenhinoedd

249

ac y|gỽisgaỽd am|y|benn ac y|dodet yn|uren+
hin. a choffau a|oruc ef dehogyl myrdin am
y|seren. ac yd erchis gỽneuthur delỽ dreic
o|eur ar|y llun y|gỽelsei ar benn paladyr y
seren. a gỽedy daruot gỽneu  thur y|rei
hynny megys yd archasso  ed. y|gosso+
des y brenhin y|neill onad  dunt yg
kaer ỽynt yn|yr eglỽys bennaf. ac y
gadaỽd y|llall y|harỽen yn|y ulaen pann uei
ym|brỽydyr. ac ymlad. ac o|r amsser hỽnnỽ
allann y|gelỽit uthur|penndragon. Sef yỽ h
hynny yg|kymraec uthur|penndreic. a Myr  ̷ ̷+
din a|e daroganassei yn urenhin trỽy y|dre  ̷+
ic a|ỽelit yn|y seren. [ ac yna sef a|oruc oc+
ta ac ossa y keuynderỽ gỽedy marỽ emre+
is a|e bot ỽynteu yn ryd o|r aruoll a|oed y+
rydunt ac ef. dechreu ryuelu ar|uthur
penndragon. a|gỽahaỽd attunt y saesson
a|dathoed gyt a|phasken. a|gỽahaỽd ereill
o germania. a gỽedy kynnullaỽ llu maỽr o+
nadunt. dechreu anreithaỽ y|gỽladoed y+
n|kylch. a goresgyn y|dinassoed a|r kestyll