LlGC Llsgr. Peniarth 46 – tudalen 246
Brut y Brenhinoedd
246
yd argyỽedei y|gỽenỽyn idaỽ. ac uuudhau a
oruc y brenhin ỽrth gyghor y|tỽyllỽr. a|chys+
gu megys pei iechyt a|ỽnelhei y|diaỽt idaỽ.
ac o|r lle eissoes redec a|oruc y|gỽenỽyn ar|hyt
y|gỽythi ac ar hyt y|corff. ac ar ol hynny
nachaf yr agheu yr honn nyt arbet nep
yn dyuot ac yn gỽahanu y eneit a|e gorff.
ac ymplith hynny llithraỽ a|ỽnaeth yr
ysgymun bradỽr rỽg un ac arall. ac ny
ỽelat o hynny yn|y llys. a|thra yttoedit yn
gỽneuthur y|petheu hynny yg|kaer ỽynt
yd|ymdangosses seren anryued y|heglurder
a|e meint. ac un paladyr idi. ac ar benn y
paladyr pellen o|tan ar lun dreic. ac o|eneu
y|dreic deu baladyr yn kerdet. a|r neill a|ỽe+
lit yn ymystynnu dros eithauoed freinc. a|r
llall parth a|mor iỽerdon. ac yn rannu yn
seith paladyr ereill bychein. a|phann ymdan ̷+
gosses y|seren honno. ouyn a|gymyrth pa ̷+
ỽb o|r llu yndunt rac anryuedet gantunt
y|ỽeledigaeth. Sef a|oruc uthur|benndragon
eissoes pann ỽelas y|seren honno gann dirua+
| « p 245 | p 247 » |