Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 240

Brut y Brenhinoedd

240

baraỽt y ymlad ac ỽynt. y kyrchu a|oruc
yn diannot udunt yny oedynt baraỽt
y uydinoed. a heb un gohir hayach y
goruu y bryttannyeit. a gỽedy y|llad
y|gỽydyl a|e briỽaỽ. kymell gillamỽri
ar fo. a guedy goruot ar|y gỽydyl oho+
nunt yd aethant hyt y|mynyd kila+
ra. y|lle yd oed y mein yr doethoedynt
ỽy o|e keissaỽ. a gỽedy dyuot myrdin. a
phaỽb yno ygyt y|dyỽat vrthunt ual
hynn. a|ỽyrda hep ef auerỽch* ỽeithon
o|ch cryfder. ac* nerthoed. a cheissỽch
diot y mein. ac odyna syllỽch beth or  ̷+
eu ae nerth. a chryfder. ae ethrylith
a|chyỽreinrỽyd. ac yna yd|ymranassant
hỽy trỽy arch uyrdin. ac yd ymrodas  ̷+
sant paỽb y|holl nerthoed y|geissaỽ tyn+
nu y|mein. ac yna ny chyffroes yr un
yr hynny o|r mein o|e lle. ac yna gỽneu  ̷+
thur ohonaỽ ynteu peiranneu o|e gel+
uydyt. ac yn haỽs noc y|gellit y|dyỽe+