Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 228

Brut y Brenhinoedd

228

dared gann gỽynuan y|rei marỽaỽl. a|r
colledigyon. a|r saesson a|oruydei pei na
delhei uydin o uarchogyon llydaỽ a osso+
dyssit ar neilltu megys y|gỽnathodit
yn|yr ymlad kynntaf. a phann deuth y  ̷ ̷
uydin honno y pylỽys y saesson. ac o
ureid yd|ymgyỽeiryssant ỽedy hynny.
A C ual yd oed y|bydinoed yn ym  ̷ ̷+
ffust plith tra chymysc yd ymga+
ỽssant Eidol. a|hengist. ygyt. ac y dech+
reussant ymgymynu a chlefydeu. Yna
y|gellit gỽelet deu ymladỽr. yn ragori
rac paỽb. a|r tan llachar o|r arueu me+
gys mellt ymlaen taran. a hir y|buant
yn ymlad heb ỽybot pỽy a|oruydei. ac
ar hynny nachaf Gorleis iarll kernyỽ
yn dyuot. a|r vynyddin yd oed yn|y llyỽaỽ.
ac yn gỽasgaru y elynyon yn diannot.
a|gỽedy gỽelet o eidol hynny kymryt
hengist a|ỽnaeth trỽy uaryfle y|penn+
festin. ac aruer o|e holl nerthoed. a| ̷