LlGC Llsgr. Peniarth 46 – tudalen 222
Brut y Brenhinoedd
222
gannyeit y geissaỽ distryỽ y kyỽdaỽtỽyr
a megys y canhatta duỽ neur syrthỽys
ynteu yn|y magyl ry tynnassei efo|y rei
gỽiryon. Canys pann ỽybu y|saesson
y enỽired ef y byrrassant o|e urenhiny+
aeth. ac nyt reit y gỽynaỽ. Canys e+
uo yn ysgymun a ohodes pobyl ysgym ̷+
un ataỽ. ac a|duc tref eu tat rac y dy ̷+
lyedogyon. Ef a anreithỽys y|ỽlat ffrỽ ̷+
ythlaỽn. Ef a|dileỽys y cristonogyon
mor pỽy gilyd hayach. ac ỽrth hynny
y dylyedogyon dielỽch chỽitheu arnaỽ
ef. trỽy yr hỽnn y doeth y|petheu hyn ̷+
ny. ac odyna ymhoelỽn yn harueu y
an gelynyon. a rydhaỽn y ỽlat y|gan
y gormes. ac ymlad a ỽnaethant a|r
castell. trỽy bop keluydyt. a gỽedy na
dygrynoes hynny udunt dodi tan a|ỽn+
aethant yndaỽ. ac yna y llosget y castell
a|gỽrtheyrn yndaỽ. a gỽedy clybot o|r sae+
son hynny ouynhau a|ỽnaethant. cana
| « p 221 | p 223 » |