Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 213

Brut y Brenhinoedd

213

ed y|bududugaỽl y kyỽersegir. y dreic a|e dỽc
ynteu ar oruchelder. yny bo dyrchauedic.
y losgỽrn a|e maed yn noeth. Eilỽeith
yny bo atgymeredic y|grym y bỽrỽ y ca+
ỽr a|chledyf y orchyruaneu. Yn|y diỽed ef
a|ulyngir y|sarph. y dan y losgỽrn. a|r gỽen+
nỽynic a|balla. Yn ol hỽnnỽ y|daỽ baed tot  ̷+
neis. ac o creulaỽn lỽybyr y kyỽarsagha
 obyl. Caer loeỽ a|dyrcheif lleỽ yr hỽnn
 aflonyda o amryuaelon ymladeu. a
hỽnnỽ a|sathyr ydan y draet. ac o agore+
digyon ochyruaneu y haruthra. Yn|y di+
ed y|kyỽaethla y lleỽ. a chefyneu y|bon+
edigyon a|esgyn. Odyna y|daỽ tarỽ y|am+
rysson a|r lleỽ a tereu a|e troet deheu.
Hỽnnỽ a|ỽrthlad y lleỽ dielỽ y|teyrnas
y kyrrn hagen a|tyrr muroed caer exon.
llỽynyaỽc caer dubal a|dial y|lleỽ ac a|e
treula oll a|e danhed. Neidyr caer lin+
col a|damgylchyna y|llỽynaỽc. ae|chyr+
ycholder o laỽeryon nadred a|distryỽ