Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 206

Brut y Brenhinoedd

206

aỽt genedyl. Trỽy hỽnnỽ y kyll norma+
ndi. y dỽy ynys. ac o|e hen teilygdaỽt
yd yspeilir. Odyna yd ymhoelant y|ky+
ỽdaỽyr y|r ynys. Canys alball yr estra+
ỽn genedyl a|dỽyrha. [ Yr hen gỽyn ar
uarch gỽelỽ yn diheu a|drossa auon pe+
rydon. ac a gỽialen ỽenn a|uessur  
arnei. Cadỽalldyr a|eilỽ kynan. a|r al+
ban a dỽc yn|y getymdeithas. Yna y|byd
aerua o|r estraỽn genedyl. yna y|llith  ̷+
rant yr auoned o|ỽaet. yna y|llaỽenhe+
ant mynyned llydaỽ. ac o|r teyrnỽialen
y coronheir y bryttannyeit. yna y llenỽ+
ir kymry o leỽenyd. a chedernyt ker+
nyỽ a|irhaa. O enỽ brutus yd enỽir yr ynys.
ac enỽ yr estronyon a aballa. O gynan y
kerda baed ymladgar yr hỽnn a|diỽylla
blaenỽed y|danhed o|uyỽn llỽyneu ffreinc.
Canys trechaf pob kedernyt mỽyhaf. y|r
y rei lleiaf hagen y|ryd amdiffynn.
hỽnnỽ a|ouynhaa. yr auia. a|r affrica.