Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 193

Brut y Brenhinoedd

193

paỽl da kadarnn. ac a|r paỽl hỽnnỽ y|bri+
ỽei ef emhenyd y saesson. ac y|hanuo+
nei parth ac uffernn. ac ny orffỽyssw+
ys eidol a|r rudthur honno yny lad  ̷
dengwyr a|thrugeint a|r un paỽl h  ̷+
ỽnnỽac gỽedy na allei ef e|hun gỽr  ̷ ̷+
thỽynebu y|r niuer hỽnnỽ oll. ffo a|or+
uc yny doeth y dinas e|hun. a|llaỽer
a syrthỽys o bop parth. ac eissoes
yr ysgymun uudugolyaeth honno a
gauas y saeson. ac yr hynny ny lad  ̷+
yssant hỽy orthern. namyn y|gar  ̷+
charu. a|chymell arnaỽ rodi vdunt
y kestyll cadarnn dros ỽyneb y|teyrnas
yr y ellỽg. ac y|rodes ef udunt hỽy yr
y ellỽg pob peth o|r|a uynnassant. nyt
amgen llundein. a|chaer euraỽc. a  ̷
lincol. a chaer ỽynt. gann lad y|bopyl
megys y lladei uleideu y deueit gỽedy
y|hadaỽei eu bugeil. a gỽedy kymryt
kedernnyt y|gantaỽ megys y mynass+