Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 190

Brut y Brenhinoedd

190

y hengist dyuot ynysprydeinyn|ysgyualaf ac
y|gallei rac geni teruysc eilỽeith yn|y
teyrnas yrydunt a|r bryttannyeit.
a|phann gigleu hengist uarỽ gỽertheuyr kyn+
nullaỽ oruc ynteu trychan mil o|uar+
chogyon aruaỽc. ac ymhoelut drach  ̷+
euen hyt yn ynysprydeina gỽedy gỽybot o|r
bryttannyeit dyuot kymeint o|niuer
a|hỽnnỽ. Sef a|ỽnaethant ymlad ac
ỽynt kynn y|dyuot y|r tir a|diffryt
y|porthueyd racdunt. Sef a|oruc ef
hengist ystryỽaỽ brydychu y|bryttanny+
eit trỽy arỽyd tagneuef. aanuon
at y brenhin. y|uenegi idaỽ. nat yr keiss  ̷ ̷+
aỽ trigyaỽ yn|yr ynys honn yr doeth+
oedynt y|saỽl niuer hỽnnỽ ygyt ac
ef. namyn tebygu bot gỽertheuyr  ̷
etỽa yn uyỽ y geissaỽ y|amdiffyn rac+
daỽ. a|r niuer a|uynnho gortheyrn y
attal yn|ỽyr idaỽ onadunt. attalet.
ac a|r ny mynnho ellyget ymdeith a  ̷ ̷