Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 183

Brut y Brenhinoedd

183

Gortheyrn y edrych yr adeilat deissyuyt yr wna+
thoedyt ac y edrych y marchogyon newyd
dyuot. a guedy dyuot y brenhin yno a niuer
bychan ganthaỽ moli a wnaeth y gueith new  ̷+
yd. a chymryt y marchogyon newyd dyuot
yn wyr idaỽ. a guedy daruot udunt bỽyta
o urenhinaỽl anregyon nachaf y uorỽyn
yn dyuot o|r ystauell. a gorulỽch eur yn|y llaỽ.
a|e loneit yndaỽ o win. ac y·uelly dyuot hyt
rac bron y brenhin. a guedy adoli idaỽ ar
tal y deu glin. kyuarch guell idaỽ. a heil+
yaỽ arnaỽ ual hyn. Lauart king wassail.
a phan weles y brenhin pryt y uorỽyn anry  ̷+
uedu a wnaeth y theccet. ac yn|y lle ymlen+
wi o|e charyat. a gouyn y|r yeith* beth a dy+
wedassei y uorỽyn. a pheth a dylyei ynteu
y dywedut yn ỽrtheb idi hitheu. ac yna y
dywaỽt yr yeithyd ỽrthaỽ. arglỽyd heb ef.
hi a|th elwis di yn arglỽyd ac yn urenhin.
yn|y hyeith hi. ac y·uelly y|th anrydedỽys.
yr hynn a dylyy ditheu y ỽrtheb idi hi. hy+
nn yỽ. sef yw hynny. Drincheilac yna y
dywaỽ Gortheyrn ỽrthi drincheilac erchi  ̷
y|r uorỽyn yuet y gỽin. ac yr hynny hyt