Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 182

Brut y Brenhinoedd

182

rei y damgylchynu o hundi*. mal y bo di+
ogelach ym yndaỽ rac uy|gelynyon. ca+
nys fydlaỽn ỽyf|i yti. a|phy|beth|bynnac
a|ỽnelỽyf yno yn fydlonder yti y|gỽnaf.
a|channhadu oruc y|brenhin. idaỽ hynny.
ac o|r lle ellỽg kennadeu a|oruc hengist
hyt yn germania. a|chymryt croen tarỽ
a|oruc ef a|e hollti yn un garrei. ac ar|y
lle cadarnnaf ar|y|tir a|rodyssit idaỽ  ̷ ̷
messur lle castell a dechreu y adeilat trỽy
uessur y|garrei honno. a gỽedy adeilat
y|gaer. y|gelỽit caer y carrei yg|kymraec
ỽrth y|messur a|r garrei. ac yn saessnec
y|gelỽit tancastre. ac yn lladin castrum
corrigie. Ac ymhoelut a|ỽnaeth y|ken+
nadeu o germania a|deunaỽ llog yn llaỽn
o|uarchogyon aruaỽc gantunt. a|merch
hengist. ronỽen oed y|henỽ. ac nyt oed
yr eil a|geffylybit idi o|e thegỽch. a|gỽe*
dyuot y|niuer hỽnnỽ hyt yn ynysprydein.
gỽahaỽd a|oruc  hengist y brenhin