Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 181

Brut y Brenhinoedd

181

ny|th necceir. ac yna estỽg y benn a|or+
uc hengist a|diolỽch idaỽ a|dyỽedut ual
hynn. arglỽyd hep ef. ti a|m|kyuoeth  ̷ ̷+
ogeist i o|tir a|dayar a da arall. ac eisso+
es nyt ual y|gỽedei anrydedu tyỽyssa+
ỽc a|hanffei o lin brenhined. Sef achos
yỽ ti a|dylyut rodi ymi ae castell ae
dinas gyt ac a|rodut. megys y|m|gỽelit
i yn anrydedus ymplith y|tyỽyssogyon
ereill. ac yna yd attebaỽd gỽrtheyrnn
i·daỽ ef. a|ỽrda heb ef uy|gỽahard i a|ỽn  ̷ ̷+
ethpỽyt na rodỽn i y|ryỽ rodyon hynny
yti. canys estraỽn genedyl. a|phaganny+
eit yỽch. ac nyt atỽen i etỽa ych moes  ̷ ̷
chỽi mal y|dylyỽyf|i ych keffylybu chỽi
y|m ky·ỽdaỽdỽyr. canys pei anrydedỽn i
chỽi megys priaỽt giỽdaỽt gỽyrda y|teyr+
nas a|gyuodynt y|m herbyn. ac yna y
dyỽat hengist. arglỽyd hep ef canhat+
ta titheu y|th|ỽas ỽneuthur ar|y|tir a
rodeist|i kymeint ac yd ymgyraedo car+