Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 174

Brut y Brenhinoedd

174

ystauell y|brenhin a|e lad. a|dỽyn y|benn
rac bronn gỽrtheyrn. a|phann ỽelas ef
hynny. tristau a|oruc megys ỽylaỽ.
ac eissoes ny buassei laỽenach eiroet
o|uyỽn noc yna. ac yna galỽ a|oruc
attaỽ ỽyr llundein. canys yno y|gỽna+
thoedit y|gyfulauan honno. ac erchi
udunt daly y bratỽyr hynny. ac ody+
na y|dienydu am ỽneuthur kyulauan
kymeint a|llad y|brenhina rei a dyỽedei
pan yỽ gortheyrn a barassei hynny.
Ereill a|e diheurei. Sef a|ỽnaethant
hỽy tatmaetheu y meibon ereill. em  ̷+
reis ỽledic. ac uthur pendragon. fo ac
ỽynt hyt yn llydaỽ rac ouyn gorthe  ̷+
yrn. ac yn|yr amser hỽnnỽ yd oed E  ̷+
myr llydaỽ yn urenhinyn llydaỽ. a|r gỽr
hỽnnỽ a aruolles y|meibon hynny yn
llaỽen. ac a peris y meithrin mal y|dy+
lyit y|teyrnned. Ac yna pan ỽelas
gortheyrn nat oed a|allei yn|y erbyn.