LlGC Llsgr. Peniarth 46 – tudalen 173
Brut y Brenhinoedd
173
chonstans yssyd anheilỽg. ac ynteu uỽy
uỽy yn|y hanrydedu hỽy. ac o|r|diỽed gỽe+
dy gỽybot o ortheyrn cael y caryat hỽy
o gỽbyl. gỽedy y medỽi nosỽeith y|dyỽat
vrthunt y|uot ef yn adaỽ. ynys. prydein y|geissaỽ
kyuoeth a|uei uỽy yn lle arall. cany allei
ef herỽyd a|dyỽedei kynnal deg marcha+
ỽc ar|hugeint yn diỽall o|r bychydic ky ̷+
uoeth oed idaỽ. a gỽedy dyỽedut vrthunt
mynet parth a|e lety yn trist a|oruc a|e
hadaỽ ỽynteu yn|y neuat yn|yuet. a|gỽe+
dy gỽelet o|r fficthteit hynny. a|thebygu
mae o|bruder y dyỽedassei ef hynny. tri+
stau a|ỽnaethant yn uỽy no meint.
a|dyỽedut yrydunt. Paham na ladỽn
ni y|mynach hỽnn megys y caffo gỽrth+
eyrn cadeir y|teyrnas. pỽy a|dylyei uren+
hinaeth yn|ỽell noc ef. canys teilỽg o+
ed y|hynny y gỽr ny orffỽyssỽys eiroet
yn anrydedu ni. AC yn diannot ky ̷ ̷+
chỽyn a|ỽnaethant a dỽyn ruthur am penn
| « p 172 | p 174 » |