Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 171

Brut y Brenhinoedd

171

a megys meibon oed paỽb o|ỽyrda y|teyr+
nas y ỽrthaỽ ef. a gỽedy gỽelet o|ỽrthe+
yrn bot pob peth yn baraỽt ỽrth y|gygor
a|e eỽyllys. y kymerth ef y sỽllt. a|r try+
sor. a|r kestyll a|r dinassoed cadarn yn|y ue+
dyant e|hun gann uenegi y|r brenhin bot
dygyuor o|r ynyssed am|y penn. a gỽedy
cael hynny ohonaỽ gann y|brenhin ỽrth y
uynnu. gossot a|oruc y|anyueil y|anỽyleit e|hun y  ̷ ̷
ỽarchadw y lleoed. ac odyna medylyaỽ
a|oruc pa ỽed y|dystryỽei ef urat y brenhin.
ac yna y|dyỽat ef ỽrth constans urenhin
yn|y ỽed honn. arglỽyd hep ef reit oed y
ti ychỽaneckau dy teulu mal y|bo dibre+
derach it rac dy elynyon. ac yna y|dyỽat
constans ponyt y|th|laỽ di heb ef y|roessum
i uedyant uy holl teyrnas. ac ỽrth hyn  ̷+
ny gỽna titheu pob peth o|r|a uynych gann
cadỽ fydlondep y|minheu. ac yna y|dyỽat
gỽrtheyrn. ef a|r dy·ỽetpỽyt ymi hep ef
bot y|fichteit yn dỽyn gỽyr llychlyn. a den  ̷ ̷+