LlGC Llsgr. Peniarth 46 – tudalen 168
Brut y Brenhinoedd
168
honno y bu tri meib idaỽ. Sef oed y|rei
hynny. Constans. ac emreis ỽledic. ac
uthur penndragon. ac yna y|rodes ef con+
stans y|mab hynaf idaỽ y uanacholoc am+
philulus yg|kaer ỽynt ar uaeth. ac y|ỽneu+
thur yn uynach. a|r deu uab ereill a|rodet
ar uaeth at cuhelyn archescob llundein.
ac ym·penn y|deudeg mlyned ỽedy hynny
y|deuth un o|r phichteit a|r uuassei ỽr y|cus+
tennin kynn o hynny. a galỽ y|brenhin at+
taỽ megys y|gyurỽch yn|lle ysgyualaf.
a|gyrru paỽb y|ỽrthunt. ac yna y|lladaỽd ef
y|brenhin a|chyllell. ~ ~ ~
A C yna gỽedy llad custennin uendige+
it y kyuodes anuundeb rỽg gỽyr+
da y|teyrnnas am ỽneuthur brenhin. Canys
rei a uynnynt ỽneuthur emreis ỽldedic*
yn urenhin. Ereill a|uynnei ỽneuthur
uthur penn dragon. Ereill a uynhei ỽn ̷+
euthur un o|e kenedyl. a gỽedy na duun+
ỽyt ar dim. Sef a|oruc gỽrtheyrn gỽrth+
| « p 167 | p 169 » |