LlGC Llsgr. Peniarth 46 – tudalen 165
Brut y Brenhinoedd
165
symeithaỽ yndi. eithyr y|neb a|allo y
ymborth ar hely yn|y diffeith. ac ygyt
a|hynny heuyt neur deryỽ y|ỽyr rufein.
ulinaỽ hyt na chaffỽn y|gantunt hỽy
neb ryỽ amdiffynn. ac ỽrth hynny yd
ym ni yn gỽediaỽ dy trugared ditheu
hyt pann rodych di nerth a channhor+
thỽy y|amdiffynn y|teyrnnas yd ỽyt ti
dylyedaỽc arnei. cany dyly neb y coron+
hau yn ỽell no thi o coron custennin a
maxen ỽledyc canys kereint yti oed gỽ+
yr hynny. ac ỽrth hynny paratoa tith+
eu lyges a dabre ygyt a|mi y|gymryt
teyrnnas. ynys. prydein. a|minheu a|e rodhaf y
titheu. ac yna yd attebaỽd aldỽr yr ar+
chescob. a|ỽrda heb ef. ef a|uu amser y
mi hyt na ỽrthodỽn i teyrnas. ynys. prydein.
o|r bei a|e rodei ym. Canys mi a|tebygaf
nat oes un teyrnnas frỽythlonach no
hi tra geffit yn|hedỽch. a|chann kyfuar+
uu a|hi dryctyghetuenneu. kas yỽ gen+
| « p 164 | p 166 » |