Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 157

Brut y Brenhinoedd

157

adaỽ tragyỽydaỽl darestỽgedigaeth a|th+
eyrnnget yr ellỽg canhorthỽy udunt ỽy.
y rydhau y gann y gelynyon. ac yna y|ge+
llygỽyt lleng o|ỽyr aruaỽc atunt. a|gỽe+
dy eu dyuot hyt yn ynysprydeinac ymlad a|e
gelynyon. a|e dehol o teruyneu ynysprydeina|ryd+
hau y bopyl o geithiỽet y|gormessoed h
hynny. ac yr gỽrthlad gormessoed yd|ar+
chassei Seuerus amheraỽdyr gynt gỽneu+
thur mur rỽg deiuyr. a|brynnych a| ̷
alban o|r mor y|gilyd. Canys y|r alban y
gnottaei pob gormes dyuot o|r|a delhei y
.ynysprydeinac yna y cauas gỽyr rufeina gỽyr
ynysprydeinatneỽydhau y|mur hỽnnỽ a|e gỽplau
o|r mor y|gilyd. A Gỽedy cwplau y|gỽeith
hỽnnỽ y|menegis gỽyr rufeiny|r bryttanny+
eit na ellynt hỽy na llauuryaỽ na|chy+
mryt perigyl na threulaỽ eur nac ary+
ant ar uor nac ar tir yn amdiffynn po+
byl kynn lesket ac ỽy rac krỽydredi  ̷+
gyon ladron. a gormessoed. a|bot sened