LlGC Llsgr. Peniarth 46 – tudalen 153
Brut y Brenhinoedd
153
radaỽc y|gỽr a|dyỽetpỽyt uchot ym ̷+
danaỽ. ac a deuth ỽedy* uraỽt yn urenhin.
a|phennaduraf gỽr oed dunaỽt yna
yn. ynys. prydein. Canys idaỽ y|gorchymynnassei
uaxen tyỽyssogaeth y teyrnas pann a+
thoed o·honi hyt tra uei ynteu odiei+
thyr. ynys. prydein y|gỽladoed ereill. Ac gỽedy
dyuot at dunat y|gennadỽri honno.
uuudhau a|ỽnaeth ỽrthi. ac anuon
gỽys a|oruc dros ỽyneb y|teyrnas y|gyn ̷ ̷+
nullaỽ y gỽraged hynny megys yd ar+
chyssoed idaỽ. Sef eirif a gynnullỽyt
o|uerchet dylyedogyon ynys. prydein un uil ar
dec. ac o ỽraged oed is eu breint y|am uer+
chet y|tir diỽyllodron. a|r bilaeineit. deu+
degein mil. ac erbyn dyuot y|gynnulle ̷+
itua honno y|lundein y|kynnullỽyt a|ga+
ffat o logeu ygkylch traetheu ynys. prydein ỽrth
anuon y|gynnulleitua honno parth a
llydaỽ. a|chet bei laỽer o|r gỽraged hyn ̷+
ny a|chỽennychei uynet y rodi y|wyr
| « p 152 | p 154 » |