Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 150

Brut y Brenhinoedd

150

thyr y gỽraged e|hun. a|gỽedy daruot v+
dunt oresgyn yr holl ỽladoed. a|distryỽ y
pobloed. cadarnnhau y kestyll. a|r caryo  ̷+
ed a|ỽnaethant o uarchogyon. ynysprydeina  ̷
gỽneuthur kestyll ereill o|neỽyd yny
yttoed paỽb yn crynu rac eu creulonder
dros y|teyrnasoed pellaf ac yn fo y|ỽla+
doed y|byt yn|y kylch y geissaỽ nodet.
ac amdiffynn o|e heneiteu. Ac yna
ollỽg gỽys a|oruc maxen hyt yn ynysprydein.
y|kynnullaỽ cann mil o|bobyl issaf eu breint
o|r meibon|eillon a|r llauurỽyr. ac ygyt
a|hynny deg mil ar|hugeint o uarcho  ̷ ̷+
gyon aruaỽc. ac anuon hynny oll|hyt
yn llydaỽ. hyt pann uei y cann mil issel|ra+
cỽ a|gyuanhedei y|ỽlat trỽy ar ac|ere+
dyc. a|r deg mil ar|hugeint o|uarcho  ̷ ̷+
gyon yn arglỽydi arnunt hỽynteu.
ac y hamdiffyn rac estraỽn genedyl.
a|gỽedy dyuot hynny o niuer oll at uaxen.
ef a|e rannỽys dros ỽyneb teyrnas ly  ̷ ̷+