Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 15

Brut y Brenhinoedd

15

haỽs y minhev kyrchu  
ỽrth hynny gỽna thri megys gỽr
call y|neges yr ỽyf|i yn|y herchi ynn
gyỽir fydlaỽn. Pann del y|nos kerda ti
parth ac at y|llu a|phỽy|bynnac a|gyfuar+
ffo a|thi dyỽet ynn gall. dỽyn antigonus
ohonat o garchar brutus a|e adaỽ y|my  ̷+
ỽn llỽyn dyrys coedaỽc hep allu y|dỽyn
hỽy no hynny rac trymhet yr heyrnn
a oed arnaỽ. ac yna gỽedy gỽelet o ana  ̷+
cletus y cledyf noeth vch y benn. a|r|geireu
a|dyỽedei y|gỽr gann ogyfuadaỽ y aghev.
adaỽ a|wnaeth wneuthur hynny gann
tygu llỽ maỽr gann rodi y|eneit idaỽ ef ac
y antiogonus y|getymdeith. a gỽedy ca  ̷ ̷+
darnhav yr aruoll yrydunt. pann doeth
yr eil aỽr o|r nos kychỽyn a|oruc anacletus
parth ac at y|llu. ac gỽedy y|dyuot yn a+
gos y|r llu y arganuot a|ỽnaeth y|gỽyl+
ỽyr ac ymgynnullaỽ am|y benn. a gof+
yn idaỽ pa ỽed y|caỽssei dianc o|garchar