Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 149

Brut y Brenhinoedd

149

y|ỽlat honn. ac a|e|llannỽn o|n kenedyl nu
hunein. Gỽedy darffo in bỽrỽ estraỽn ge+
nedyl ohoni yn|llỽyr. a|gỽedy hynny hon
a|uyd eil urytannein. a|phrỽythlaỽn yỽ
honn o yteu. ac auonyd llaỽn o|bysgaỽt.
a|choedyd tec. a|foresteu adas y|hely. a|he+
rỽyd y gwelir ymi nyt oes ỽlat gadarn+
nach no|honn onyt. ynysprydeinac yna addaỽ
a|oruc kynan idaỽ ef tragyỽydaỽl hedỽch
a|chadỽ fydlonder ac ef gann diolỽch y*
idaỽ yr hynn a adaỽssei. ~ ~ ~
A C yna eilỽeith kyỽeiraỽ a|ỽnaethant
eu llu ỽedy estỽg y|ỽlat honno. a
mynet hyt yn rodỽm a goresgyn y|dinas
canys gỽedy clybot o|r ffreinc creulonder
gỽyr rufeina|r|bryttannyeit. adaỽ a|ỽnaeth+
ant y|gỽraged a|r meibon. a ffo y|r kestyll.
a|r caeroed cadarnnaf. Ereill y|r coedyd
a|r mynyded. a|r lleoed dryssaf y|geissaỽ
amdiffyn eu heneiteu. ac nyt arbedei
y bryttannyeit na hen na Jeuang. ei  ̷+