LlGC Llsgr. Peniarth 46 – tudalen 147
Brut y Brenhinoedd
147
kynnullaỽ a|oruc ynteu y|llu mỽyhaf
a|gauas a|dyuot yn|y erbyn a|rodi cat
ar uaes y|gynan a|dyuot yn|y erbyn. a|e
yrru ar ffo. ac ny pheidwys kynan mỽy
chynt. namyn kynnullaỽ y|lu eilỽeith
a|llosgi y|gỽladoed a|e hanreithaỽ. a|gỽe+
itheu gann uudugolyaeth. gỽeitheu ere+
ill hepdi yd ymhoelei uaxen y|ỽrthaỽ.
ac eissoes o|r diỽed gỽedy gỽneuthur
colledeu maỽr o bop parth. y kymot a|ỽna+
ethpỽyt. ac eu dỽyn yn un garyat. ~
A C ympenn yspeit gỽedy|hynny.
nyt amgen no phum mlyned. Sy+
berỽau a oruc maxen o amylder eur ac
aryant. a|marchogyon. a|chynnullaỽ
holl ymladỽyr ynys. prydein. ac a|gauas o|leoed e+
reill. a gỽedy bot y lyges yn baraỽt. ky+
chỽyn a|oruc a|r niuer hỽnnỽ gantaỽ
parth a llydaỽ y|ỽlat a elỽir yr|aỽr honn
bryttannen uychan. a gỽedy y|dyuot idi
dechreu ymlad a|hi ac a|r bobyl oed yndi.
| « p 146 | p 148 » |