Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 145

Brut y Brenhinoedd

145

ger bronn y brenhin a|dyỽedut ual hynn.
arglỽyd heb ef. llyma yr hynn yd oed y
gỽyr a|th garei ti yn|y damunaỽ eiroet
a|duỽ yn|y danuon hediỽ ymann achos
dy uot titheu yn cadỽ fydlonder|ỽrth
duỽ. Tidi a|uuost yn ymgyghor a|th|ỽyr+
da beth a|ỽnelut am elen dy uerch. a|th
gyuoeth. cann yttoedyt ti yn troi parth
a|heneint. mal nat haỽd yti lyỽyaỽ y
teyrnnas yn hỽy no hynny. ac yna y|kyg+
horei rei rodi coron y|teyrnas y gynan
meirydaỽc dy nei a rodi dy uerch y|dy  ̷+
lyedaỽc o ỽlat arall. ac argyureu genti.
Canys ouyn oed gantunt dyuot dares+
tygedigaeth y|r teyrnas o delhei uren·hin
aghyfyeithus arnadunt. ac eissoes y|rann
uỽyhaf o|th ỽyrda a gyghores it keissaỽ
un o amherodron rufein. y|rodut dy uerch i  ̷+
daỽ a|th gyuoeth. a|llyma arglỽyd heb
ef y tebygant caffel hedỽch yn tragyỽy+
daỽl trỽy amdiffyn gỽyr rufeina|llyma