Breudwd Rhyddiaith Gymraeg 1300-1425
English

LlGC Llsgr. Peniarth 46 – tudalen 137

Brut y Brenhinoedd

137

ellỽg trahayarn eỽythyr elen a|their
lleng o|ỽyr aruaỽc gyt ac ef y|oresgyn
yr ynys dracheuen. a gỽedy y|dyuot y|tir
ynysprydeiny|r lle a|elỽir caer beris y cauas ef y
dinas hỽnnỽ kynn penn y|deudyd. a|phann
gigleu eudaf hynny kynnullaỽ a|oruc
ef holl ymladỽyr. ynysprydeina|dyuot yn|y her+
byn hỽy hyt yn emyl caer ỽynt. y|lle a|el+
ỽit maes vryen. a dechreu a|ỽnaethant
ymlad yn drut. ac yn galet. ac eissoes
o|r diỽed y|goruu eudaf yna. ac y|ffoes
trayarn* y longeu ac a diaghassei o|e lu
gantaỽ. ac odyna yd aeth racdaỽ hyt
yr alban. a|dyuot yno y|r tir a|dechreu
anreithaỽ y gỽladoed hynny. a|e|llosci.
a|phann doeth hynny at eudaf. kerdet y+
n|y ol a|oruc hyt yr alban. ac yn|y ỽalat a
elỽir ỽestimarlont rodi cat ar|uaes idaỽ.
ac y|goruu trahayarn. ac y|hymlidws eudaf o
le y|le ar|hyt ynysprydein. yny duc y|arnaỽ y|kestyll.
a|r kaeroed. a|r gỽledyd. a|choron y|teyrnas.
ac